« Home | يا ليلة اصــحى » | My Scribbling Blog » | How do you know? » | Girly template! » | So Fast? » | غلا أمى » | Surviving... » | I need your prayers » | Peace » | Unbearably Bearable »

لستُ ليلى



لستُ ليلى- لإنى مش مجبرة إنى أتزين بمكياج لشوية عمال و سواقين أو حتى دكاترة و مهندسين فى الشارع, لا يمسول لى أى صلة
لكنى انسانه- بتزين فى بيتى لنفسى عشان بحب الجمال
.

لستُ ليلى- لإنى لما جيت أختار كليتى و سئلت أهلى ما قالوا ليش, مش فارقه! البنت مالهاش غير بيت جوزها!
إنما أنا إنسانه و أهلى قالوا لى: خشى الكلية اللى تعرفى تفيدى بيها بلدك و الفقراء اللى فيها

لستُ ليلى- لإن لو واحد حط إيده على رجلى مش هسكت زى الحشرة و اسيبه يدوسنى و أمى مش هتضربنى بالألم على وشى
لكنى انسانه- و أمى علمتنى ازاى لو واحد ايده طولت اعرف ازاى اخد حقى و افرج عليه الدنيا- ربنا يعافينا يا رب و يبعد عنا ولاد الحرام


لستُ ليلى- لما مرة عملت حادثه وكنت أنا اللى غلطانه ما عملتش زى ما كثير من البنات بيعملوا ينزلوا و يزعقوا و ينكروا ان هم السبب
أنا انسانه- و سكت لإنى عارفه انى غلطانه, الراجل اكتفى بالملامة و الشارع كله دخل فى صفى لمجرد انى كنت مؤدبه رغم غلطى, بس انا اتعلمت ان
الصوت العالى و حوار انت اعمى يا حيوان؟ عمرهم ما هيجيبه حق ليلى.

لستُ ليلى- لإن جدى علم و كبر 7 بنات و شالهم فوق راسه لحد ما مات.
رحمك الله يا جدى ياللى
ما دخلتش هارفرد عشان تعرف ازاى تحترم المرأة. كلامك عين العقل يا خالد.

لستُ ليلى- لإن جدتى لما ابنها الشحط زعق لها غضبت عليه و قالت له: ده ابوك الله يرحمه عمره ما مسنى بكلمة طول ال45 سنة اللى عشتهم معاه, تيجى انت يا مفعوص يا جاهل ترفع صوتك عليا؟ أدى أخرة الهندسه و سنينها. (اعتذارى لأى مهندش هو خالى مهندس والحوار كان كده فمش تزعل لو سمحت)

لستُ ليلى- عشان لما تجيب بنت جوزها يقول لها: ايه اللى انتى جبتيه ده! إنا لله وإنا إليه راجعون.
إنما انا انسانه و لما أجى اتجوز مش هيكون واحد جاهل و غبى مش مقدر قيمة المرأة, لأ, هيكون ان شاء الله راجل, دارس دينه و عارف ان اللى يجيله بنات ويكبرهم و يأكلهم و يراعيهم بتفتح له ابواب الرزق و بيدخل الجنة
.

لستُ ليلى- اللى كل ما واحد فى حياتها يحاول يحميها تقول له اشمعنى يعنى؟ ايه المجتمع الذكورى ده؟
انا انسانه و فاهمه ان
الراجل بيحمى حباً مش تسلطاً. وأنا فخورة انى فى بلدى زى الملكة متصانه و متحاميه مش مرمية زى قلتها.


لستُ ليلى- اللى بتقول لبنتها لا تأتى, لا تأتى و تشوفى اللى انا شوفته.
انا انسانه و نفسى أجيب بنت انور عنيها لجمال روحها اللى ربنا خلقه فيها و اعلمها طيب الصفات اللى تعيش بيها وسط الناس فى سلام.

لستُ ليلى- لإنى لما دخلت مشروع كبير هشرف فيه على 2 شباب و هيكون تحتنا 80 شخص, أنا اصغرهم سنا, ما همنيش اللى قالوا هتقدر عليهم ازاى؟ دى مش هتعمر شهرين على بعض!
لإنى انسانه- كملت و ما همنيش (معظمهم اللى بيتكلموا بنات مش واثقين فى قدراتهم ولا قدرات الناس التانية, لو بس يدركوا كل واحدة فيهم جواها ايه و تعرف ازاى هى تقدر تتحرر و تكون مثمرة لينا كلنا
!)

لستُ ليلى- و بعد 9 شهور كان يوم افتتاح المشروع و تحديد فشله او نجاحه... واحدة قريبة و حبيبة الى قلبى توفت الله يرحمها, و طلعت قدام مئات الناس أعرض مجهودنا بابتسامه و حماس, ولما النور طفى ...
الإنسانه ما قدرتش تمسك دموعها لفقد القريبة فى نفس اليوم. فحتى لو بلغت قمة النجاح لا يمكن انسى قلبى و عواطفى ورايا
.

لستُ ليلى- لإنى لا أرى انى ليلى
لستُ ليلى- لإنى لا أرى انى ضعيفه و مقهورة فى عالم من الرجال
لستُ ليلى- لإنى لا ارى ان الشغل فى شركة ادوية عــــــــــــــيـــب
لستُ ليلى- لإنى ما يهمنيش غير نظرة ربنا ليا مش نظرة المجتمع, وان ما فيش فرق بيننا غير بالتقوى (خيركم عند الله اتقاكم)
لستُ ليلى- لإنى لا ارى انى لو ماتجوزتش يبقى فيا عيب! انتى لسه ماتجوزتيش مش لعيب فيكى, لكن لإنك ما لقيتيش راجل يملأ عينك, يبقى العيب فى مين بقى؟

وأخيرا- مهما يا ليلى حاولت اهمس فى ودنك انك قوية و رقيقة و عاطفية و عاقله و مش مقهورة ولا ضعيفه فكلامى مش هيغير الصورة اللى انتى شفتى نفسك بيها.

وعذرا, بس مش ذنب الرجاله انك اتصادفتى فى حياتك مع رجاله متسلطين ومرضى نفسيين حرموا لك حلالك و حللولك حرامك!
المجتمع مش شماعة تعلقى عليه تجربتك.
انما كونى عادلة و خلى نظرتك شاملة و فرقى بين غلطة مجتمع و غلطة زوج و أب و أخ و مدير و زميل.

واعرفى انك بتسميتك لنفسك ليلى, بتهمسى فى أذن نفسك انك ضعيفه و محدودة الإرادة والمقدرة. وده هيصعب عليكى عملية التحرر مش من الرجالة لأ- لكن من قفص افكارك السلبية اللى انتى حبستى نفسك فيه باستسلامك لموجة الوهم والكلام والتجربة.
و أقول ايه تانى بعد الكلام ده؟
Howa leeh e7teram elnafs we fe3l elsa7 ba2a kabt? Leeh elnas 3ayza tekhrog men itar elsa7 3ashan teb2a mabsoota we mesh makboota, we ba3deen I am sorry bas I totally agree here bebasata no one will ever do you any good with your problems, you wanna solve your problems you could and you would and only you has that in hand sawa2 felakher el7al kan extreme zai eltala2... we ba3deen lazem elwa7ed yataqabal shewayet omoor kanoo3 men e7teram elzat...
Яαgιи Яαvєи


وأذكرك بكلمات الشيخ ابن تيميه اللى حياته كانت كلها ذل و حبس و ضرب و ظلم إلا انه كان لا يبالى و كان يقول:ما يفعل اعدائى بى؟جنتى و بستانى فى صدرى أينما كنت, ان قتلونى, فقتلى شهادة- وإن حبسونى فحبسى خلوة- وإن نفونى فنفيى سياحة

ما شاء الله عليكي... عين العقل
فعلا فيه جواهر مصونة بس تلاقي اللي يقدرها

خالص تقديري لموضوعيتك..

me2

نورتى مدونتى :)

صدقينى كل ليلى جوهرة بس لو هى نفسها مدركة قيمتها الغالية هتتقدر من كل اللى حواليها.
الإنسان هو اللى بيفرض الإحترام على اللى حواليه مهما كانوا هما مش محترمين. ولا رأيك ايه؟

قلم جاف

شاكرة لمرورك وشكرا على ردك :)

my respect

Post a Comment

Not much

  • I'm Jannah
  • From Cairo, Egypt
  • If I am as honest as I know how to be, I may discover here as I write, day after day, something in myself, something of my own nature... that I might otherwise not be aware of...
That's it

Men Scribblers

Website Counter
Hit Counter